بعد الاعتذار الذي قدمه والد الفنان محمد علي عمّا بدر من نجله من إساءات واتهامات بالفساد إلى قيادات في القوات المسلحة، تداول ناشطون على مواقع التواصل الاجتماعي، مقطع فيديو منسوب لشقيق الفنان، وجّه له رسالة نارية.
وقال شقيق محمد علي خلال الفيديو، “في ناس تعرف إني شقيق محمد على وبعض الناس متعرفش، المهم إن شقيقي محمد علي اللي بيقول إنه مناضل، مناضل إيه؟ أنت هاتشتغلنا وللا إيه، دا أنا أخوك، مناضل في مارينا عند الفيلا، وللا بتناضل فين”.
وأضاف: “أنا عملت الفيديو دا يا محمد عشان أنت مبتردش علينا، ومش عارفين نكلمك، أبوك لسانه دلدل، وفي الآخر تخلي السكرتير بتاعك يرد عليه، ويقوله الباشا مش فاضي، وأبوك بيعيطلك وبيقولك هات فلوس عيال أخوك ميت اللي واخدها”.
شقيق محمد علي
وتابع شقيق محمد علي: “طيب أنت عاجبك طيب والدك اللي هيتحاسب بسببك أنت كده مناضل في نظر نفسك وفي نظر الناس، طيب والدتك اللي رافعة قضايا عليك بسبب أنك أكلت ميراثها، طيب أنت شايف نفسك كده بتلعب جيم فير”.
وأكمل: “أنت عندك جنون الشهرة، مريض بالشهرة، كنت فين من الناس اللي في القرى والنجوع يا ابن البلد، ولا مارينا والعربيات الفراري هما دول اللي كنت حاسس بيهم بالناس، أنت مريض وعاوز شهرة، وولاد أخوك مرمين في الشارع، واستنى التقيل جاي”.
والأربعاء قبل الماضي، دخل والد محمد علي في نوبة بكاء بسبب ابنه، قائلا: “مصدوم ومدَّمر من محمد، لأن القوات المسلحة حياتي، وخيرهم عليا أنا وأولادي، اتدمرنا، وسمعتنا بقت زفت، محمد ابني مسح تاريخنا”، مستدركا: “ليه اللي إحنا فيه ده؟”.
وأضاف في لقاء مع برنامج “على مسئوليتي” بفضائية صدى البلد: “محمد ابني كان بيصيّف في دبي، ومش محتاج أي حاجة، ليه تاريخنا يبقى كده، أنا كان الوزير بيستقبلني من الطيارة، تاريخ العيلة كله اتدمر”.
كان الفنان محمد علي قد ظهر في مقطع فيديو عبر صحفته على “فيسبوك”، الاثنين الماضي، وجه فيه اتهامات بالفساد إلى قيادات في القوات المسلحة.
وقال “علي” صاحب شركة أملاك للمقاولات: “إنه لم يتسلّم أموال شركته التي يُنفذ من خلالها مشروعات للقوات المسلحة، وعلى رأسها فندق تريومف الشويفات في التجمع الخامس، والخاص بالمخابرات الحربية، وكذلك القصر الرئاسي في المنتزه” على حد قوله.
أضف تعليق