دخل الفنان الشعبي شعبان عبد الرحيم على خط المواجهة مع الفنان محمد علي بأغنية جديدة، بعنوان: “الشعب المصري وجيشه إيد واحدة بجد بجد”، منددا بهجومه على الجيش ومؤسسات الدولة.
وطرح شعبان عبد الرحيم، أغنيته التي هاجم فيها “علي” ودعا لضرورة تأديبه، متهما إياه بالفشل والفساد والجاسوسية والخيانة.
أغنية ضد محمد علي
وتقول كلمات الأغنية:
اللي معاه ربنا مش بيخاف من حد
الشعب المصري وجيشه إيد واحدة بجد بجد
حتت ممثل فاشل ساقط ملوش ترتيب
غلط في مصر وجيشها يستاهل التأديب
اسمه محمد علي مش يعني علي كلاي
ده حتت عيل فاشل وحرامي ورغاي
لا نعرف مين بسلامته ولا حتى شغال إيه
والنعمة أنا ما أعرفه ولا عمري سمعت عليه
في ناس بيقولوا ممثل فشل وكان بيحاول
ولما ملقاش فايدة راح اشتغل مقاول
هرب على البر التاني وده حلمه من زمان
كان نفسه يروح يعيش في جنة إردوغان
فاشل في التمثيل وده كان من الأول باين
لكن اللي مكنش واضح إنك جاسوس وخاين
بأي حق يا فاسد تغلط في جيش ورئيس
هو أنت فاكر الشعب هيسيبك يا خسيس
محدش خان البلد دي إلا لما وقع واتعرف
الجيش المصري يا شاطر رمز الكرامة والشرف
الريس قالها مرة الجيش ده زي النار
محدش يلعب معاه بجد أو هزار
في ناس ملهاش مزاج إن الفساد ينتهي
محمد علي مين يا عم روح اتلهي
زعلان عشان معرفتش تسرق أو ترتشي
ده أبوك قالك عيب عليك اختشي
الجيش المصري يا علي مبيتلعبش عليه
واسأل عشماوي يقولك الخاين أخرته إيه
وسخر ناشطون على مواقع التواصل الاجتماعي، من قيام المطرب الشعبي شعبان عبد الرحيم بالهجوم على “علي”.
وتداول ناشطون ورواد مواقع التواصل الاجتماعي مقطع فيديو لأغنية شعبان عبد الرحيم، الذي يهاجم فيها محمد علي، ويصفه بالجاسوس والخائن، ويهدده بالانتقام، واعتبروه أسلوبا قديما، ولن يُجدي نفعا.
كان محمد علي قد شن هجوما غير مسبوق على المؤسسة العسكرية والرئيس عبد الفتاح السيسي، واتهمهم بالفساد وإهدار المال العام، ورد الرئيس السيسي ضمنا على اتهامات محمد علي، معتبرا أنها شائعات لا أساس لها من الصحة.
أضف تعليق