رد اللاعب محمد صلاح نجم منتخب مصر ونادي ليفربول الإنجليزي على تغريدة نشرها الفنان محمود البزاوي عبر حسابه على تويتر، التي جاء فيها: “يعني لو واخد ابني معايا هاقعد في الدرجة الثالثة، وهدفع 800 جنيه مثلا.. ومطلوب مني وأنا خارج ادعي للمنتخب”، وذلك في سخرية من أسعار تذاكر مباريات كأس أمم إفريقيا، التي أثارت جدلا بسبب ارتفاعها المبالغ فيه.
يعني سعر تذكرة كاس الامم الدرجة التالته ب ٢٠٠ جنيه و طبعا لو قدرت تدفع ال ٢٠٠ جنية هاتحب تجيب سندوتش جوا عشان جعان ف هايبقى ب ١٠٠ جنية مثلا و ازازة المية ب ٣٠ جنية مثلا..يعني لو واخد ابني معايا هأقعد في الدرجة التالته و هادفع ٨٠٠ جنية مثلا..و مطلوب مني و انا خارج ادعي للمنتخب!😂
— محمود البزاوي (@albezzawy) April 29, 2019
وفي رد ساخر أيضا من محمد صلاح، على تغريدة “البزاوي”، قال مازحا: “اوعى تفكر تقعد مقصورة.. كدا هتدعي للمنتخب بجد”.
أوعي تفكر تقعد مقصوره 😄كدا هتدعي للمنتخب بجد 😂
— Mohamed Salah (@MoSalah) April 29, 2019
فيما رد الفنان محمود البزاوي على تعليق محمد صلاح، مازحا: “إحنا هاندفع وهاندعي عشانك يا كابتن محمد صلاح.. ربنا يوفقكم وتفرحونا”.
تعليقات رواد تويتر
وأثار الحوار الساخر بين محمد صلاح ومحمود البزاوي عبر “تويتر” ردود فعل متباينة، إذ كتب الباحث السياسي، عمار علي حسن، موجها حديثه لمحمود البزاوي: “أنت تقدر تدفع من أجل محمد صلاح ورفاقه، لكن أغلب جمهور كرة القدم الحقيقي لا يقدر، وأنت فنان حقيقي وقدير، يفترض أن تمثل الآخرين في كلامك، وتقول بوضوح: “أسعار التذاكر فوق قدرات أغلب المصريين”.
أنت تقدر تدفع من أجل محمد صلاح ورفاقه، لكن أغلب جمهور كرة القدم الحقيقي لا يقدر، وأنت فنان حقيقي وقدير، يفترض أن تمثل الأخرين في كلامك، وتقول بوضوح: أسعار التذاكر فوق قدرات أعلب المصريين
— عمار علي حسن Ammar Ali Hassan (@ammaralihassan) April 29, 2019
فيما رد “البزاوي” على عمار قائلا: “دكتور عمار أنا معترض على الأسعار فعلا.. يا ريت حضرتك تشوف التغريدة الأول.. لكن ردي على كابتن محمد كان هزار مش أكتر.. زي ما كابتن محمد رد بشكل في اعتراض لطيف”.
دكتور عمار انا معترض على الأسعار فعلا .. ياريت حضرتك تشوف التغريده الأولي .. لكن ردي على كابتن محمد كان هزار مش اكتر .. زي ما كابتن محمد رد بشكل في اعتراض لطيف
— محمود البزاوي (@albezzawy) April 29, 2019
وأعاد عمار علي حسن الرد على البزاوي، قائلا: “يا فنان، قل لمحمد صلاح: انصحهم يا نجم بتخفيض أسعار التذاكر، ألست أنت القادم من وسط الغلابة؟ هم الجمهور الحقيقي لكرة القدم”.
كما رد حساب يدعى “محمد عبد الفتاح” على عمار علي حسن قائلا: “ميولك السياسية حاجبة الرؤية عند حضرتك أستاذ عمار.. الفنان معترض هو كمان عن غلاء أسعار التذاكر”.
ميولك السياسية حاجبه الروئيه عند حضرتك استاذ عمار الفنان معترض هو كمان عن غلاء اسعار التذاكر
— Mohamed Abdel fattah (@Mohamed11121985) April 29, 2019
وقال “أيمن حميد: “عمار علي حسن رشق في التويتة بعد ما صلاح رد على البزاوي”.
عمار علي حسن رشق في التويته بعد ما صلاح رد علي البزاوي
— Ayman hamied (@ayman4art) April 29, 2019
ووجه “أحمد كمال” رسالة لمحمود البزاوي قائلا: هو بغض النظر إن التذاكر غالية جداااااااااااااا بس من الواضح أنك ما تعرفش حاجة عن الطبقة دي من الجماهير.. سندوتش إيه أبو 100 إللي تجيبه، وميه إيه إللي بـ 30.. اسمحلي أنت بعيييييييييد بمراحل عنهم”.
هو بغض النظر ان التذاكر غالية جداااااااااااااا بس من الواضح انك ماتعرفش حاجه عن الطبقه دي من الجماهير سندوتش ايه ابو ١٠٠ الي تجيبه وميه ايه الي ب ٣٠ اسمحلي انت بعيييييييييد بمراحل عنهم
— Ⓜ️ohamed Kamal🇪🇬 (@KemoOoOo7) April 29, 2019
أسعار التذاكر
وجاءت أسعار تذاكر مباريات منتخب مصر في كأس الأمم كالتالي:
- 200 جنيه للدرجة الثالثة.
- 400 جنيه للدرجة الثانية.
- 600 جنيه للدرجة الأولى.
- 500 جنيه للدرجة الأولى العلوية.
- 2500 جنيه للمقصورة الرئيسية.
وجاء منتخب مصر على رأس المجموعة الأولى التي ضمت منتخبات “الكونغو الديمقراطية، وأوغندا وزيمبابوي”، خلال القرعة التي أُجريت بمنطقة سفح الأهرامات.
وتستضيف مصر البطولة القارية خلال الفترة من 21 يونيو وحتى 19 يوليو المقبل، وسيخوض المنتخب مبارياته على ملعب إستاد القاهرة.
أضف تعليق