أخبار مصر, تعليم وصحة

#امتياز_قصر_العيني.. مطالبات بالحقوق وشكاوى من التعنت والإهمال

19 فبراير، 2020
أضف تعليق
عبد الرحيم التهامي
4 دقائق للقراءة
#امتياز_قصر_العيني.. مطالبات بالحقوق وشكاوى من التعنت والإهمال
أطباء الامتياز اشتكوا من أوضاع متردية موجودة منذ سنوات ولا تتغير- أرشيف

مطالبات ومناشدات عديدة لطلبة الطب في سنة التدريب “الامتياز” عبر هاشتاج #امتياز_قصر_العيني، أظهرت حجم المعاناة والأزمات التي تحيط بهم.

وشملت أزمات طلبة الامتياز الرواتب المتدنية، والتعسف الإداري ومخاطر العدوى والأمراض، بالإضافة للتعنت في تحويل عمل المغتربين والمتزوجين لأماكن قريبة من سكنهم، وانتهاء بالإهمال وإشعارهم بعدم أهميتهم مقارنة بالأطباء النواب.

أطباء الامتياز اشتكوا أيضا من أوضاع متردية موجودة منذ سنوات ولا تتغير، رغم الوعود الكثيرة التي تأتي في أعقاب المطالبات كل مرة، وفي النهاية لا تنفذ الوعود ولا تطبق الحلول، ولا يحدث أي تطوير أو تغيير على أرض الواقع.

#امتياز_قصر_العيني

ولخص الأطباء عبر هاشتاج #امتياز_قصر_العيني على “تويتر” ومنصات التواصل، مطالبهم في عدة نقاط تمثلت في:

  • فتح التحويل للمغتربين والمتزوجات.
  • تطبيق قانون المرتب 2000 جنيه.
  • إلغاء إمضاء الـoff والتعنت.
  • تطبيق معايير السلامة والأمان.

فقالت إسراء: “دا أنا حتى مليش بدل العدوى أبو ١٩ جنيه دا، امتياز وخايف تتعدي ؟ أنا أول مرة أشوف امتياز وخايف يتعدي“.

وكتب إسلام محروس: “طلاب امتياز جامعه القاهره ٢٠٢٠ بنطالب ب: ١- فتح التحويل ٢- تطبيق قانون المرتب ٢٠٠٠ ج ٣- الغاء امضاء الـ off والتعنت ٤- تطبيق معايير السلامه و الامان”.

وقالت “فاطمة رضوان”: “من حقى يتوفرلي أقل امكانيات السلامه فى ظل الوباء اللى بيضرب العالم و القصر العيني بيعتبرنا اقل درجه فى المستشفى فا مش لازم يوفرولنا حاجه”.

أبسط المطالب

وفي نفس السياق كتب محمود شاهين عبر هاشتاج #امتياز_قصر_العيني: “مش من حق حد يتحكم في مستقبل دكاتره لمجرد انه شايف كدا صح مش من حق حد ينزلنا في أيام معندناش شغل فيها علشان نمضي مش من حق حد يمنعنا ناخد امتيازنا في المكان اللي نرتاح فيه مش من حق حد يجبرنا نشتغل في مكان ممكن نموت فيه في أي وقت بسبب قله الامان”.

وغرد “كيمو” قائلا: “المرتب المفروض ٨٠% من اجمالي ما يتقاضاه النائب الجامعي يعني حوالي ٢٠٠٠ جنيه و دا قانون مصدق عليه من رئيس الجمهورية نيجي بقي لكليتنا العريقة الرد بتاعهم لا اصل الموضوع متعطل من وزارة المالية و مرتبكم لسه ٨٠٠ جنيه يتبع”.

وتأتي المطالبات عبر هاشتاج #امتياز_قصر_العيني، لتوفير أبسط الحقوق من الماسكات ووسائل الحماية من العدوى والأمراض، بعد واقعة وفاة طالبة امتياز بكلية العلاج الطبيعي، نتيجة التهاب وفشل رئوي لإصابتها بعدوى بكتيرية في الجهاز التنفسي.

وكانت الطالبة يارا عصام قد توفيت نتيجة انتقال العدوى لها بعد عملها في إحدى الورديات بقسم الرعاية الصدرية في القسم “3”، إذ كانت تجري علاجا طبيعيا لأحد المرضى.

FacebookXPinterestEmailWhatsApp

عبد الرحيم التهامي

شاهد المزيد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *