وجه الرئيس عبد الفتاح السيسي رسالة للمواطنين خلال افتتاح مشروعات في دمياط، مشددا على أهمية الحفاظ على الاستقرار: “كل ما فيه استقرار اتحركنا للأمام ومفيش عودة مرة تانية للخلف”.
وقال الرئيس السيسي، خلال افتتاح مشروعات في دمياط: “لما بنتكلم بنتكلم عشان التحدي.. ومفيش تحدي خطر على مصر إلا من داخل مصر، وأرجو أن تنظروا للمنطقة حولكم.. وعندما يتحرك الناس، قادرين يهدوا بلادهم”.
وأضاف: “مفيش حاجة عندي.. وأنا هستنى عشان يبقى عندي.. دا أنا هفضل أكرر حتى يبقى عندكم مناعة ضد هدم البلد.. هفضل أكرر عشان أبقى قدام ربنا عملت اللي عليا مع الناس في مصر وفهمتهم خطورة أي تحرك”.
مشروعات في دمياط
وتابع الرئيس حديثه، خلال افتتاح مشروعات في دمياط: “الدولة تبذل جهد جبار عشان تحل مشاكل وتقنعكم، والناس بتقول هو مستعجل كدا ليه!.. هو أنت كل مرة هتتكلم هكرر كلامي!.. أيوه”.
وقال السيسي: “أتمنى من كل المسئولين يكرروا كلامي عشان المناعة لشبابنا الصغار اللي لسة طالع، اللي كان عنده في 2011 حوالي 10 سنين، النهارده عنده 17، ومشفش وميعرفش.. والتوعية مش مبنية على مدة زمنية، على الناس اللي حضروا الأحداث، وفهموا المخاطر، التوعية في الجامعة والمسجد والكنسية.. البلد البلد البلد.. مصر بينا واستقرارنا نقدر نعمل كتير”.
وعن سبب تكرار تحذيره، قال السيسي:”هتقولوا لي فيه حاجة؟.. والله مافيه حاجة.. زي الفل، وأنا مش ببص على دلوقتي بس.. أنا ببص على دلوقتي وبكرة وبعده والسنين اللي جاية.. وكل ما فيه استقرار اتحركنا للأمام، ومفيش عودة مرة تانية للخلف”.
مدينة الأثاث
ووجه السيسي حديثه للأهالي خلال افتتاح مشروعات في دمياط، قائلا: “لما مدينة الأثاث اتعملت كنت بحلم أننا ندخل عالمية الأثاث مش محلية الأثاث”.
وأضاف: “إيه يا أهل دمياط، معندكمش حلم، هي الناس بطلت تحلم ليه؟.. أنا بتكلم جد، وتجري على حلمها، إيه ده أنا بتكلم عن كل المصريين”.
وأكمل السيسي: “اللي بيحصل دلوقتي في كل حتة كان حلم حلمته من زمان أوي، العشوائيات كان حلم وأنا صغير من 30 أو 40 سنة، إنه لا يمكن يكون في ناس في الشارع كده، ولما بقيت في المكان ده جريت على حلمي وحققته، هنا الناس لازم تجري على حلمها تسأل، المفروض كان نصحي 5.30، وعلى 12 تكون اشتغلت 6 ساعات”.
وتضمنت كلمة السيسي خلال افتتاح مشروعات في دمياط، تعليقا على استعراض وزير الكهرباء لما جرى إنجازه في قطاع الكهرباء، قائلا: “الدولة صرفت 615 مليار جنيه لتحسين خدمات الكهرباء، فلازم نوضح الأمور للمواطن، حتى لا يتعرض للتشكيك”.
أضف تعليق