ما هو مرض البهاق؟.. رامي جمال أصيب به ويفكر في الاعتزال

أعلن الفنان رامي جمال، في رسالة له عبر حسابه الشخصي على موقع “فيسبوك“، إصابته بمرض البهاق، بعد ظهور بقع بيضاء اللون بمناطق بجسده.

وكتب رامي جمال عبر صفحته: “الحمد لله الذي أحبني فابتلاني وقدرني على الصبر.. من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة”.

وعبر عن رضاه بالبتلاء بالإصابة بمرض البهاق بقوله: “رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقوللي هتتعامل إزاي، وأنت فنان واللي يخاف يسلم عليا واللي يسألني هو ده معدي”.

مرض البهاق

وكشف الفنان عن إصابته بمرض البهاق منذ عام، مشيرا إلى أنه كان يجد صعوبة في إخفاء علامات المرض الظاهرة في جسده.

وعبر رامي جلال عن حزنه من تساؤلات الجمهور عن طبيعة مرضه بقوله: “ناس تقولي شوف بيزنس تاني اعمله عشان الناس مش هتقبلك كده، وفكرت في كلامهم بصراحة”.

وأنهى الفنان كلامه بقوله: “لقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو”.

طبيعته وأنواعه

ويعد مرض البهاق، أحد الأمراض الجلدية التي تحدث بسبب فقدان لون الجلد الطبيعي وظهور بقع بيضاء اللون يمكن أن تؤثر في الجلد أو في أي جزء من الجسم، وقد يؤثر أيضا في الشعر وداخل الفم، ولا يعد المرض معديا.

وتختلف الحالة من شخص لآخر، إذ لا يمكن التنبؤ بمعدل تأثر الجلد وفقدان اللون به، وقد يكون أكثر وضوحا في ذوي البشرة الداكنة.