قال الرئيس عبد الفتاح السيسي: إن الدول يكون بها أجهزة تخطط وتجتهد للبناء، إلا أن الفرصة هي التي تحسم، والفرصة موجودة في مصر بالاستقرار.
وأضاف السيسي، خلال كلمته في افتتاح عدد من المشروعات القومية في السويس وجنوب سيناء، عبر خاصية الفيديو كونفرانس: أن تقدم الدول يرتبط بالاستقرار، مضيفا: “لو مفيش استقرار يبقى مفيش حاجة هتحصل”.
وتابع السيسي، “النهاردة بيتقال إن مصر تقدمت 90 مركزا في الطرق، وهنتقدم أكتر مش في الطرق بس، في التعليم والصحة والحوكمة ومكافحة الفساد وفي كل شيء، بس جزء كبير من الموضوع دا كله متربط بالاستقرار”.
المشروعات القومية
وتابع السيسي في حديثه عن المشروعات القومية: “بلاش يغيب عن عنينا أبدا الأمن والاستقرار، ولو فيه نوايا طيبة مفيش مانع، وجميع المخططات كانت موجودة، ولكن قمنا بإعادة صياغتها، وبنفذها وهنفذ قدها 10 مرات وبكرة تشوفوا”.
وأضاف: “أنا بقول الكلام ده مش علشاني علشانها هي، علشان مصر، طول ما الأمور مستقرة نقدر نعمل اللي انتوا شايفينه ده وأكتر عشرات المرات”.
وتابع: “البلد زي الفل، أنا بقول الكلام دا علشان الحاجات دي ما تغيبش عن عينينا أبدا، الاستقرار والأمن، بيبقى فيه نوايا طيبة، تقدر النوايا دي بقى تترجم لعمل وناس تشتغل والدنيا تتغير، وعلشان البلد تقوم وتبقى ليها فرصة تاخد مكانها بين الأمم”.
وخلال فعاليات افتتاح مجموعة من المشروعات القومية في نطاق محافظتي السويس وجنوب سيناء، شاهد الرئيس السيسي، فيلما تسجيليا من إنتاج الشئون المعنوية عن المشروعات القومية بمحافظتي السويس وجنوب سيناء، بعنوان “مستقبل واعد”.
وقد كان في استقبال السيسي رئيس مجلس النواب علي عبد العال، ورئيس مجلس الوزراء مصطفى مدبولى، وعدد من الوزراء وكبار رجال الدولة.
ومن بين المشروعات القومية التي افتتحها الرئيس اليوم عبر الفيديو كونفرانس:
- الرصيف البحري لشركة سوميد.
- كباري وإسكان في منطقة الطور وأبوزنيبة.
- طريق على قناة السويس وكوبري الجيش المصري بمدخل السويس.
- المرحلة الأولى من طريق خدمة المحاجر، من نفق المشير محمد علي فهمي حتى طريق السويس وزعفرانة، والنفق شرم الشيخ.
- مشروعات خاصة بالحديد والصلب.
- مجمع مصانع الرخام في جفجافة.
أضف تعليق