#هي_الستات_عايزة_مننا_إيه يتصدر تويتر.. ومغردون: نرمي زبالة ونجيب عيش

#هي_الستات_عايزة_مننا_إيه
هاشتاج #هي_الستات_عايزة_مننا_إيه يتصدر موقع تويتر - تعبيرية

تصدر هاشتاج #هي_الستات_عايزة_مننا_إيه موقع التواصل الاجتماعي “تويتر” للتعبير عن رأيهم في شخصية السيدات ومطالبهن، إذ شهد تفاعلا كبيرا من الجنسين.

وسيطرت حالة من السخرية على الهاشتاج، وسخر الشباب من “طلبات الستات”، كما سخرت الفتيات من فكرة الهاشتاج نفسه، فيما عبر بعضهم عن الرغبات التي ترضي المرأة بشكل حقيقي، وكان الحب والوفاء والاهتمام على رأس قائمة السيدات.

ويحرص الشباب طوال الوقت على التعبير عن آرائهم وأفكارهم، ومناقشة مشكلاتهم الاجتماعية، من خلال مواقع التواصل الاجتماعي، وعلى رأسها موقع “تويتر”.

#هي_الستات_عايزة_مننا_إيه

وقال إسلام: “عايزين كلمة حلوة علشان نكسبهم، لأنهم بيعشقوا النكد زي عنيهم، فلازم طول الوقت نعاملهم زي الأطفال، ع قد عقلهم يعني”، بحسب تعبيره.

وقال فهد: “عايزة منك تشتغل وتتغرب وهي بالبيت عايشة ملكة”.

وكتب ماندور ساخرا: “عاوزينك تاخد كيس الزبالة وأنت نازل وتجيب عيش وأنت طالع”.

وأضاف أنس عبد الرحمن: “هي الستات عايزة إيه؟ السؤال الذي حيّر الجميع ومش بس الرجالة اللي مش عارفين يجاوبوه دا البنات والستات نفسهم بيعجزوا عن إجابته، كان الله في العون”.

وحدد حساب عاشق احتياجات المرأة من الرجال قائلا: “عايزة مننا الحب والاحترام والاحتواء والغيرة بعقلانية والإحساس والشعور بها”.

ورأى خالد ماجد أن الثقة هي أهم عوامل نجاح العلاقة الزوجية، قائلا: “الثقة” ومش مقتصرة على الستات دي مقتصرة على علاقتك مع أي حد في حياتك، طول ما فيه ثقة بين أي اتنين هيعيشوا حياة سعيدة، الثقة أحد أهم الأشياء اللي لو موجودة بين اتنين هتنجح أي علاقة عموما”.

مطالب السيدات

وسخرت السيدات من فكرة الهاشتاج، كما عبر بعضهم عن مطالبهم من الرجال، وقالت صاحبة حساب “ءاااآقترإ”: عاوزين يافندم رجالة مش ذكر، وعاوزين كمان سند بعد أهلينا، وعاوزين رجالة تخاف الله مالهاش في الخراب دا، ولا صايعة خالص هو كدا بس”.

أما رنا، فردت على الهاشتاج قائلة: “عايزة تبطل تتحرش ببنات الناس، عايزة تكون راجل قد المسؤلية، عايزة تهتم بيها وبيتها وعيالك، عايزة تكون هي الوحيدة في قلبك، عايزة تبطل سهر بره لوش الفجر، عايزة تشتغل عشان تقدر تتجوزها، عايزة تبطل شرب الدخان عشان صحتك، عايزة تصلي وتلتزم وتاخذها للجنة”.

وقالت جي جي سالم: “إحنا ولا عاوزين منكوا حاجة ولا نيلة، إنتوا بس اللي عندكوا خيال واسع حبتين”.

رقية كمال

شاهد المزيد

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *